Professor Hannes Redelinghuys se meesterklas in ad hominem-aanvalle

Professor Hannes Redelinghuys het my op sy eie besondere manier probeer uitkanselleer — en eerlikwaar, ek moes net lag.

Ons het hom al verskeie kere probeer nader oor sy openbare aanlynleringe, veral sy aansprake oor Hebreeuse name en uitsprake. In plaas daarvan om die vrae, bronne of taalkundige argumente te behandel, bestaan sy reaksie hoofsaaklik uit persoonlike beledigings, byname, bespotting en vloektaal.

In die onderstaande opname praat hy vir ongeveer twee minute aaneen oor my. Hy noem my onder andere “Arendtjie”, “kapokkie” en “bobbejaan”, bevraagteken my intelligensie, spot met my kennis van Grieks en Hebreeus en sleep selfs my kitaarspel by die gesprek in.

Wat hy egter nie doen nie, is om die argumente inhoudelik te weerlê.

Dit is ’n klassieke ad hominem-drogreden: Wanneer iemand die persoon aanval omdat hy nie die argument behoorlik kan of wil aanspreek nie.

Om iemand ’n bobbejaan te noem, bewys nie dat sy historiese navorsing verkeerd is nie. Om oor sy naam of uitspraak te spot, lewer nie manuskripbewyse nie. Om te vloek en hard te praat, is nie dieselfde as om ’n argument te wen nie.

Die oorspronklike uitnodiging bly staan: Los die byname en persoonlike aanvalle. Bring die bronne, verduidelik die taalkunde en verdedig die openbare stellings wat gemaak is.

Die gehoor kan self besluit of die volgende opname ’n inhoudelike antwoord is, of bloot twee minute se persoonlike aanvalle.

Transkripsie van professor Hannes Redelinghuys se reaksie

Let wel: Die transkripsie is volgens die beskikbare klankopname saamgestel. Onduidelike gedeeltes word aangedui en geringe leestekens is bygevoeg om dit leesbaar te maak.

00:00
Verwarring, wat gaan hier aan?

00:02
Kom ek wys vir jou hoe daar gedeel word met mense wat teen hierdie persoon opstaan.

00:17
En hy hou aan om die rabish op TikTok te praat, en dan hardloop hy weg daarvan en bly doodstil daaroor, asof dit nooit gesê was nie. En dis die beste taktiek van die duiwel.

00:27
Want hy het nie veel om mee te speel nie. Hy is gewoond daaraan om mense af te kraak, mense uit te haal en hulle op die einde van die dag te beledig.

00:36
Soos “Arendtjie”, “Elias”, “kapokhoendertjie”, want hy wil nie Barend genoem word nie. Ek weet nie of jy nie van jou pa se werk hou dat hy jou Barend genoem het nie, maar hy wil alles wees behalwe sy naam.

00:46
Ons gaan vir hom bly ry. Ons gaan vir hom bly ry.

00:50
En dan kan hy nie eens die woord “Jahvah”, “Jahshua” of “Jahvahshua” uitspreek nie. “Jawa, Jawa.” Dit klink so plat soos wat dit voorkom. “Jawa, Jawa, Jawa.”

01:00
Hy wil klink soos ’n Jood, sien, maar hy weet nie hoe nie.

01:04
Hy is besig om agterdog te skep, terwyl hy weet waar die kerk sit, maar hy weet nie waar die klok hang nie. Hy hoor iets, maar hy weet nie regtig nie.

01:14
Hy werk op raaiskote, want hy werk met mense wat half oningelig is.

01:18
Arendtjie, jy moet vergeet om vir jou mooi naampies te gee. Bly by jou naam, Barend, jou geboortenaam.

01:24
Want jou vlerkies word uitgetrek. Dan loop jy soos ’n kapokhoendertjie op die grond, man.

01:28
Dis hierdie opinie en hierdie groot gewaandheid waaroor alles gaan. Jy skep agterdog en jy is soos ’n kat op ’n warm plaat.

01:39
Jy is so selfvoldaan. Klim van my rug af. “Birds of a feather, they flock together,” wat sy hier doen.

01:45
Jy is mos so slim in die Grieks en die Hebreeus. Kom man, kom nou.

01:49
Arendtjie, wat eintlik Barendtjie is, as jy enige guts het—

01:52
Ek weet nie of hy dit eens weet nie, maar elke keer wat jy nog jou mond oopgemaak het, het jy ’n bloedneus gekry.

01:57
So ek sal sê: óf jy hou van slae, óf jy is regtig stupid.

02:04
Jy verkies om sensasie te kry of te verkry deur snert te praat. Kom ons kyk hoe ver jy gaan hou.

02:11
Ek het snert gepraat, want iemand het nou die dag iets geskryf oor die kitaarspel. So is ook nie wat jy dink dit is nie.

02:18
Tot wanneer gaan jy hardloop, en wanneer gaan jy ons blok?

02:23
Ná die pak slae wat Arend Botha— ek moet eintlik sê “kapokkie Arend Botha”, want sy vlerkies is uitgetrek.

02:32
So van vanoggend af is jy nie meer “kapokkie Arend Botha” nie. Jy is “bobbejaan Arend Botha”.

02:36
So jy herken nou as bobbejaan.

02:38
Vriend, [onduidelik], en dis tipies soos wat ek gesê het: Jy bedien kinders en jongmense.

02:46
En vanoggend lag hulle: “Ha, ha, ha, ha, ha.”

02:49
Want hulle besef nie: Arend Botha het nie sy mond oopgemaak om een van die goed wat ons gevra het, te verduidelik nie.

02:55
Wys my watter bobbejaan gebruik jy om jou Hebreeus te leer.

Die argument bly onbeantwoord

Dit is die volledige reaksie. Baie byname, baie bespotting en baie persoonlike aanvalle — maar geen manuskripte, geen betroubare leksikons en geen behoorlike taalkundige weerlegging nie.

Beledigings is nie bewyse nie. Bespotting is nie geleerdheid nie. En ’n ad hominem-aanval is nie ’n antwoord nie.